Calling every voter of Barangay Militar to be VIGILANT

Nananawagan ang Malasakit I-Watch sa lahat ng mamamayan ng Barangay Militar na lahat tayo ay maging vigilant sa araw ng eleksyon. Bantayan natin ang mga flying voters, tiyakin natin na ang mga boboto ay mga lehitimo at rehistradong botante ng Barangay Militar. Para sa malinis na halalan, nananawagan ang Malasakit I-Watch na inyong samahan sa pagmamasid at pagbabantay sa mga papasok na boboto sa Polling Place. Hindi na dapat maulit ang mga nakaraang halalan na ang mga hindi taga Brgy. Militar ay nakakaboto dito. 

Upang matiyak na hindi na mauulit ang mga ganitong pangyayari, ang mga miyembro ng Malasakit I-Watch ay  ide-deploy sa ibat-ibang lugar ng Polling Place, at higit ang tutok sa gate kung saan papasok ang mga boboto, upang makuhanan ng mga larawan ang mga hindi kakilala at hindi tiyak na taga Brgy. Militar, at matapos man ang eleksyon ay aalamin ang identity ng mga ito.

Sa sinumang makilala ang identity at mapapatunayan na flying voter, gagawan ng karampatang aksyon para dito. Kaya huwag na sanang ipakipagsapalaran pa ng iba ang kanilang serbisyo para pakasangkapan sa isang maruming halalan.

Ang hakbang na ito ay paglilingkod ng Malasakit i-Watch sa buong Barangay Militar. Panahon na ng pagbabago, linisin natin ang sistemang bulok ngayon, para sa kapakanan ng susunod na henerasyon.

Sa mga nagnanais na makatulong sa Malasakit I-Watch, magdala ng camera, kunan ng larawan ang hindi pamilyar na taga Brgy. Militar, may mga ide-deploy rin sa ibat-ibang presinto na alam na ang gagawin para sa mga ganito. Ngayon pa lang ay i-charge na at tiyaking ready ang lahat ng cameras, videocams, digicams, cellphones w/ camera, higit sa lahat ang kaloobang may pagmamalasakit.

Para sa isang malinis at mapayapang pamayanan, sama sama tayong tumindig, magmasid, at kumilos para sa pagtutuwid.